ഉദിച്ചുയര്‍ന്നൂ മാമലമേലേ ഉത്രം നക്ഷത്രം..
സ്വാമിയേ ശരണം..
കുളിച്ചുതൊഴുതു വലംവയ്ക്കുന്നൂ ഭക്തരഹോരാത്രം..
അയ്യപ്പ ശരണം..
നമിച്ചിടുന്നേനടിയനൊരാശ്രയമെന്നും നീ മാത്രം...
(ഉദിച്ചുയര്‍ന്നൂ)
കലിയുഗവരദാ കന്നിക്കാരാം പൈതങ്ങള്‍ ഞങ്ങള്‍
കഠിനതരം കരിമലകേറാനായ് അണഞ്ഞിടുന്നേരം
കായബലം താ... പാദബലം താ...
കായബലം താ പാദബലം താ ഭക്തജനപ്രിയനേ
(ഉദിച്ചുയര്‍ന്നൂ)
ഇരുമുടിയേന്തി പാതകള്‍ താണ്ടി ചിന്തുകളും പാടി
കരുണാമയനേ നിന്നെക്കാണാന്‍ നടയ്ക്കലെത്തുമ്പോള്‍
ഹരിഹരനന്ദന... നിറകതിരൊളിയായ്...
ഹരിഹരനന്ദന നിറകതിരൊളിയായ് ഞങ്ങളിലുണരേണം
(ഉദിച്ചുയര്‍ന്നൂ)
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ