ഉത്തരം നാളില്‍ പിറന്നാള്..
അയ്യപ്പസ്വാമി തിരുനാള്..
ആറാട്ടിനായി കൊടിയേറ്റം...
അയ്യപ്പന്മാര്‍ക്ക് പടിയേറ്റം....
മുട്ടി വിളിച്ചാല്‍ വിളി കേള്‍ക്കുന്നൊരു
മുത്തച്ഛന്‍ ആണെന്റെ അയ്യപ്പന്‍..
എത്തി പിടിച്ചാല്‍ മുത്തം തരുന്നൊരു
പെറ്റമ്മ ആണെന്റെ അയ്യപ്പന്‍....
കാല്താര് കുമ്പിട്ടാല്‍ കാത്തുരക്ഷിക്കുന്ന
കാരണോര്‍ ആണെന്റെ അയ്യപ്പന്‍..
കുടിലത അറ്റ മനസിന്നകത്തു..
കുടിയേറി പാര്‍ക്കുമെന്നയ്യപ്പന്‍....
കണ്ണും കരളും കലങ്ങിയ ഭക്തരെ..
കണ്ടാല്‍ അറിയുമെന്‍ അയ്യപ്പന്‍...
തെറ്റും കുറ്റവും ഏറ്റു പറഞ്ഞാല്‍..
തെറ്റിധരിക്കില്ലെന്‍ അയ്യപ്പന്‍.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ