എനിക്കൊരു മകളുണ്ട് ചന്ദന ഇപ്പോള്‍ നാലു വയസ്സുണ്ട് ..ഞാന്‍ എല്ലാ ദിവസവും ഭാര്യെ ഫോണില്‍ വിളിക്കാറുണ്ട് ..കുറച്ചു നേരം മോള് മായും സംസാരിക്കും ..ഇടക്ക് ചക്കരെ അച്ഛന് ഒരു ഉമ്മ തന്നെ എന്ന് പറയുമ്പോള്‍ അവള്‍ ഫോണില്‍ കൂടെ മ്ചും...മ്ചും..മ്ചും എന്ന് വച്ചിട്ട് ..
എന്നോട് ചോദിക്കും 'കേട്ടോ ' ..ഞാന്‍ പറയും കേട്ടു...എന്നാല്‍ നീ [ഇടയ്ക്കു എന്നെ നീ എന്നും സംബോധന ചെയ്യാറുണ്ട് ]എനിക്കൊരു ഉമ്മ തന്നെ ....ഞാന്‍ രണ്ടു മൂന്നു ഉമ്മ കൊടുത്താല്‍ അവള്‍
പറയും എനിക്ക് വണ്ണ്‍ [ഒരു] ഉമ്മ മതി ..ആഹ് വണ്ണ്‍ എങ്കില്‍ വണ്ണ്‍ ..അത് കഴിഞ്ഞു അവള്‍ പറയും 'എനിക്ക് വര്‍ത്തമാനം പറഞ്ഞത് മതി ..വചെക്കട്ടെ ..
അങ്ങനെ പത്തു മാസത്തിനു ശേഷം ഞാന്‍ കഴിഞ്ഞ ഡിസംബറില്‍ നാട്ടില്‍ പോയിരുന്നു ..
ഫോണില്‍ കൂടെ സംസാരിക്കുമെങ്കിലും ആത്യമോന്നും എന്റെ കൂടെ അടുക്കാന്‍ കൂട്ടാക്കിയില്ല ..
പിന്നെ രണ്ടു ചോക്ലെടൊക്കെ കൊടുത്തു വശീകരിച്ചു ...ഭാര്യ മോളോട് പറഞ്ഞു 'ചക്കര മോളല്ലേ
അച്ഛനല്ലേ മിടായി ഒക്കെ തന്നത് ..അച്ഛന് ഒരു ഉമ്മ കൊടുക്ക്‌ ...ആത്യമോന്നും അവള്‍ അനങ്ങിയില്ല ... പിന്നെ അവിടൊക്കെ എന്തോ തിരയുന്നത് കണ്ടു ...ചക്കര എന്താ നോക്കുന്നെ ?
എനിക്ക് 'പോണ്ണ്‍ ' വേണം .. ഞാന്‍ എന്റെ കൈയിലുള്ള മുബില്‍െ അവള്‍ക്കു കൊടുത്തു
അവള്‍ അത് മേടിച്ചു ചുണ്ടോടു അടുപ്പിച്ചിട്ട് ..'മ്ചും മ്ചും മ്ചും...മൂന്നു ഉമ്മ ...എന്നിട്ട് എന്നോട്
ചോദിച്ചു ...'.കേട്ടോ '... ഞാന്‍ 'കേട്ടു' എന്നല്ലാതെ എന്ത് പറയാന്‍ .....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ